Ge kent da wel é, ’t moment woar ip datter twien joarig is, en ge beslist vo tope te leggen vo ne schwone cadeau. Jammer genoeg lopt da nie olsan zo vlot lik ofdajje zoe willn. Dikwijls ister jin twien die olles mag voornschietn en dereste betaalt ton were met de nodige vertraginge. Wuk akkik junder nu kêe vertelle dat da ollemoale verloorn moeite is?
In Gent, den studentnoofdstad van West-Vloandern, ister e bedrijf da kadobons makt: Kadonation. Tzin gin geweune kadobons, en kgajunder kêe zeggen woarom:
Ten êeste zin ze geldig vo de reste van jen leven. Ge meugt ze dus gerust in de kasse smietn, vergeetn dasse doa liggn, en achter e joar of drieje kujje ze nog olsan gebrukn. At da ginne servies is wittek et wok nimêe.
Ten twidde kujje ze utgeevn bie mêer of 30 van under partners. Ti niet zo ambetant of ne kadobon kriegn van jen vrijer voor etwa woadajje èignlijk feitlijk gin goeste in èd. Ge moet ton were doen alsof. Zukke situasje goa je noois teegnkomn met de kadobon van Kadonation. ‘T Keuzeaanbod is gigantisch, en ge meugt zelve kiezn woaran dajt spendeert. Kopt jezelvn e poar boeken ip Bol.com of makt e reize noar etwoasn zonder de bestemminge te weetn met Srprs.me.
En ti nog nie olles. Vo iedere €100 datr an kadobons wordt verkocht, plantn widder e boomsje mè WeForest, een organisoasje die booms plant in Zambia vo de minsn en de natuur ter plekke tèlpn. At da gin schoon initiatief is.
Ziej nog nie overtuùgd? Ip de site van Kadonation kuj wok kiezen vò ‘crowdfunding’. Da wil zeggen daj e groepspotje goad ipstartn voor e project na keuze. Kgoan e voorbeeldje geevn. Stel gzit in e jeugdbeweginge en gè nieuw spelmateriaal nodig. Start joen groepspotje ip en nodigt minsn ut vo mee te doen. De minsn die ton beslissn vo mee te doen kunn zelve kiezn oevele dasse stortn. Ip die maniere kuj ip e êerlijke maniere geld verzameln.
Khope dak junder e bitje overtuùgd è, en aj meer wil weetn moej nade site goan: www.kadonation.com
Leave a Comment